انا واحد من الناس زى كل الناس مش بغنى الاغنيه لا ده بس وبكل صراحه انا حاولت فى حجات كتير وفشلت وكل ما بيمر الوقت بعرف انى مستحقش غير كلمه فاشل هى انسب كلمه تطلق عليه فشلت انى اشتغل او انى احب او اكون اسره رغم انى كل الامكانيات الماديه متوفره ممكن فى احيانا كتير بيكون نفسى اتجوز بس بخاف كل ما اشوف مشكله من مشاكل اصحابى مع اسرهم او ااقرى فى الجورنال عن وجود حاله طلاق او خلع الخ
حتى فى شغلى اول فترات الشغل كان كل الى فى الشغل بيقول انى واحد من الى بينتظرهم مستقبل فى مجالى بس للاسف اتصدمت انى محتاج تنازلت كتير انا مش قدها ولا حقدر ااقدمها علشان اتقدم خطوه فى شغل بمعنى انى لازم احط رقبتى تحت رحمه حد وده مستحيل جدا لانى كمان محتاج ااقدم رشاوى وكل ما عليت الرشوه حعلى بدل الدرجه درجتين
قلت اسافر بره اتنصب عليه فى مبلغ محترم واثبت وباب المحكمه يشيع من الحبايب الف والقانون لا يحمى المغفلين وانا اولهم مغفل كبير وفاشل اكبر
حاولت ادخل مجتمع التدوين فشلت انى اكون مدون من الاخر رغم انى بحب اتقدم الا انى فاشل فاشل فاشل ولا حتقدم ولا حتاخر وحفضل لحد ما حموت محلك سر وعلشان كده بتمنى الموت النهارده قبل بكره
ويمكن بعد البوست ده حرجع للنقطه الى بدت منها اوضتى فى بيتنى اطرد كل خيوط النور من الاوضه وارجع اعيش فى الضلمه وحدى ومع نفسى
