انا بنت عادية خالص طول عمري متمردة
الاول كنت في براءة غريبة لحد سن 24 سنة بس برضك كنت شقية
مكنتش فاهمه حاجة بس بحب احساس ان يكون في حد بيحبني و متعلق بي و اسيبه
و كنت مرة حد يفتري علي و يعلقني بيه و يسيبني
ومرة ارد الي اتعمل في باني اعرف غيره و ابهدله
اتبهدلت و انكسرت كتير قوي قوي
في فترة ابقي متدينة جدا و اخاف ربنا قوي و فترة اشطح جامد
بداية ده ان اتعرفت بواحد صديق لواحد اعرفه و بيعزني جدا اكتر من اخته فتوقعت ان صديقة هيحافظ علي
كنت 24 سنة
حبته قوي قوي بغباء
كنت فعلا براءة غير طبيعية
اقرف لو بنت حكت لي نكتة وحشة
واتضايق من البنت الي تقولي اي حاجة عن الجواز
و مكنتش افهم هما بيقولوا اية
الي حبيته ده كان حقير
شوية شوية علقي بيه
و انه ميقدرش يستغني عني
شوية شوية بداء يصمم ان يفهمني الي مفهموش
ويطلب مني الي محبوش
ويغصب علي
شوية شوية اتحول الموضوع عندي لحاجة
بقيت انا الي احتاج
بعد تعذيب 3 سنيين و نص بالارتباط بيه
و بعد ما فضحني وسط اصحابنا
كان في شخص تاني متسلق
كل الي يهمه نفسه و بس
فضل برضة يضغط علي
و مع ضعق الانسان
غلطت معاه
المرة دي غلطت بجد
مش مجرد بوسة ولا مسكة ايد
لا
كنا في حضن بعض
حسيت بالقرف من نفسي
و اني بقيت رخيصة
هو بيقول ابدا و انت و انت بس انا عارفه ان من جواه بيقول اني رخيصة
عشان بيغلط كتير في الكلام و يشتم الي يعمل كده
و بيلعب معايا لعبة ان يشد و يرخي
و يقربني منه و يرميني
ويقولي كلمةحنية و يرجع يفهمني ان عمري ما هتجوزه
بقينا زي الحيوانات
بنتقابل عشان رغابتنا و بس
وكل ما احس ان هستقر و ارتبط بانسان كويس جدا
و البعد عن كل القرف ده
الاقي تذمت من الاهل
مش حاسين بالنار الي في من اني حاسة اني رخيصة
وبيرفضوا لمجرد الرفض
بحاول دلوقت اكون نضيفة
بس حاسة ان حياتي مفيهاش بركة
بقيت اكدب
بقيت مش عايزة اسمع قرأن
بصلي لكن مش حاسة باني بصلي كويس بحس اني بكروت و عايزة اخلص بسرعة عشان اتفرج علي التليفزيون
بعد ما كنت اتكسف و اقرف ان اشوف صورة مش كويسة
بقي عادي عندي لو حد بعت لي صورة مش كويسة و ممكن ابص فيها
بعد ما كنت اشمئز منها
حاسة بقرف
انا مش بلوم حد
انا الي غلطت
بس حاسة ان بتعاقب علي غلطي
كل ما اقرب من واحد و احبه بجد و نبداء في تجهيزات جوازنا
اهلي يرفضوه
حاسة ان بتعاقب
14 comments:
انا حاسة بيكى جدا بس حاولى تخلصى من الى انتى فية عارفة ازاى تشغلى نفسك باى شى غيرى رقم تليفونك ابعدى عنهم غيرى اصدقائق الجئى لربنا اكتر انا عارفة ان كل دة صعب بس حاولى وربنا معاكى وكلنا معاكى
أختى الفاضلة
أولا أشكرك على تطوعك بأن تكونى أول معترفة فى اعترافات ليلية
فى اعترافك شعرت بأنك تحاولى أن تبررى لنفسك ماحدث من خلال تأكيدك على كلمة بريئة براءة الاطفال
بس أعذرينى عندما أقول لك أن كلامك أثبت لى أنك لم تقتربى فى أى لحظة من اللحظات الى البراءة فانتى لست بريئة فليس معنى انك لم تنجرفى مع أصحابك فى الكلام عن الزواج أو الصور الاباحية أو الكلام عن الجنس انك بريئة
لن أقسو عليكى ولكن يجب أن تعلمى جيدا بأنك ان لم تكونى قاسية على نفسك فستكونين أرخص وأرخص
لأن كل انسان يخطأ ولكن الخطأ الأكبر هو عدم الاعتراف بالخطأ واصلاحه
لا أعلم مقدار خطأك لقد ذكرت بأنك تعديت مرحلة القبلات وملامسة اليد ولكن هل هذا يعنى ممارسة جنسية كاملة أم لا ؟
على العموم باب التوبة مفتوح والطريق الى الله أيضا سهل وأعتقد أنك تعلميه جيدا فلن أكلمك فى الدين
ولكن عليك أن تراجعى حياتك جدا هل أنت سعيدة بها وانتى كل يوم فى علاقة مع شاب تعلمين جيدا أن كل ذلك لهو ولعب
اعلمى جيدا ان الحياة التى تعيشها بهذا الشكل لن تستمر طويلا ولكن آثارها السلبية ستستمر معك طوال حياتك
ان لم تتخلصى أنت من حياتك الماضية
نصيحتى اليك اجلسى مع نفسك وامسكى ورقة وقلم واكتبى فيها بسم الله الرحمن الرحيم اللهم انى نويت التوبة والسير على الصراط المستقيم فيارب اهدنى ولا تضلنى وابدأى تعريف نفسك لنفسك من أول وجديد
بمعنى اكتبى هواياتك وطموحاتك والمجالات التى تستطيعين العمل بها اكتبى الاشياء التى يمكن أن تسعدك بحق وحقيقى وقررى ان اليوم أو غدا سأفعل كذا وكذا وكذا فان كنتى تعانين من فراغ ولا تجدى ماتقومى به وجهى طاقتك الى الاعمال الحسنة اذهبى لزيارة أقاربك الذين لم تزوريهم من زمان انزلى الى ملجأ اطفال واجلسى معهم ساعتين ثلاثة انزلى جمعية خيرية حاولى تعملى علاقة مع الجيران ادخلى المطبخ تعلمى الطبخ وكل يوم اعملى طبق جديد حاولى تسعدى أهلك وأقاربك انزلى احجزى دورات تنمية بشرية أو دورات لغات أو كمبيوتر ابحثى عن عمل ان كنتى لاتعملى
وغيرى رقم موبايلك وكسرى الشريحة بكل الأرقام اللى عليها علشان ماترجعيش لحياتك القديمة فى اى لحظة ضعف
وانا عايز أقولك ان أكبر شيطان ممكن يوقع الفتاة فى الخطيئة هو الفراغ سواء فراغ فى الوقت او الفراغ العاطفى وأعلم جيدا كيف تتألم الفتاة عندما تشعر بأنه ليس هناك من يهتم بها وبمشاعرها ويشعرها بأن احدا يحبها ولكنها الظروف فرضت عليك ذلك فيجب ان تتحملى بعض الوقت وتقاومى وربنا يرزقك بابن الحلال اللى يقدرك
ولازم تتكلمى مع اهلك وتقولى لهم أنى يجب أن اتزوج لانى تعبت من العنوسة قوليها واتركى المكان على الفور وهما هايفهموا الوضع وهايخافوا عليكى وسيسعوا جاهدين فى زواجك .
وأهلا بيكى فى اى اعتراف اخر
المنقذ
سيبك من كلام المنقذ
ده أحسن له يروح ينقذ نفسه
الأديان أكبر خدعة في التاريخ الإنساني
اللي عملتيه مافيهوش حاجة غلط
كل الشباب في جميع بلاد العالم بيعملوا اللي انتي عملتيه من غير تأنيب ضمير ولا هم يحزنون
المهم انك ما تتورطيش في حمل
عيشي حياتك فلا جنة ولا نار
الأديان يسوّقها سماسرة الدين من أجل السيطرةعلى الرعاع
ادخلي على المواقع التالية لتكتشفي
أكبر خدعة في التاريخ
http://benkerishan.blogspot.com/
http://nawafco.blogspot.com/
واقرأي كل ما كتبوه
ولا تهملي قراءة التعليقات , وستجدين أن معظم شباب العرب قد بدأوا يدركون الحقيقة بعد أن منحنا العلم شبكة الأنترنت التي يسّرت لنا قراءة ماكان محظورا علينا طوال القرون الماضية
ايه الكلام ده ... يعنى ايه الاديان اكبر خدعة فى التاريخ وعلى اساس ايه بتقول الكلام ده .. بتحب تعيش حياة حيوانية مش غير رابط ولا قيود تسيطر عليها رغبتك الحيوانية عيشها لوحدك بس متدعوش غيرك يعيشها معاك
ربنا يهديك
قضيت معظم سنين عمرى فى بلاد الغرب و شاهدت بعينى و سمعت باذنى من يحسد المسلميين على النقاء الاخلاقى الذى يامرهم به دينهم و صاحبت كثير ممن انتشلهم السلام من حياة الضياع و المدنية الزائفة الى حياة الطهر و السكينة , ادعوا اللة ان يشرح لكى صدرك و يذهب همك و ان ينزل السكينة على قلبك. تحياتى
مش عارفه أقول إيه بعد كلام المنقذ
عايزاكي تبصي في المرايه وتقولي لنفسك إنك أغلى من كده
ومن كل اللي بتعمليه
عزيزتي إحنا كلنا أخطاء ... بس لازم في النهايه من عودة إلى الله
وربنا قريب جدا .. كريم جدا
ما تسمعيش كلام اللي قال إن الأديان خدعة
دي ناس عايشه تعيش تأكل وتشرب وتتصرف تصرف الحيوانات
فما يفعلوه ويفتخرون به ويسمونه حريه
يفعلوه القرود في الأقفاص والقطط في الشوارع
وعلى حسب كلامهم فالك الحيوانات بلغت من الرقي أعلاه
عزيزتي إن الحاجه للماء دليل على وجود الماء
ولله المثل الأعلى
أنت الآن تحتاجي الله .. فهو موجود وينتظر عودتك
توبي إليه ... لا أقول إن الأمر سهل
لازم ستقابلك صعوبه ... تحملي .. ألا تريدين النقاء
تحملي ... وإن شاء الله سيعوضك الله خير مما تركتي
عزيزتي كما قال المنقذ أخبري أهلك أنك مللتي من الحياة وحيده
وهم سيفهمون كما قال
ربنا يقويك ويقبل توبتك
أريد أن أقول شئ أخير
كوني قويه ... كوني فتاه مسلمه عندما تقفي أمام الله تقفي نقيه
فتخلصي من كل شئ يؤذيكي الآن وأنت في الدنيا
الله معك
قلـــــب
مش هقول أكتر من انك تبدأي صفحة جديدة لازم في أمل ..ربنا مش بيقفل باب رحمته في وش حد بس الذنب لما يبقى كبير بيقبى صعب انك تحسي بالطهر والقبول زي اللي كنت حساه قبل ما تعملي الذنب ..طولي بالك وقاومي الشيطان وغيري الصحبة اللي مش كويسة وابداي صفحة جديدة بعزيمة حتى لو مكنتيش حاسه بطعم العباده خليك مصره انك تقربي من ربنا واطلبي منه انه يهديك ويسامحك ويقف معاك
ااقفلى الصفحه دى واطويها وابدى صفحه جديد واعتقد انك ابتديتى اول الخطوات باعترافك بالخطا مش انتى بس الى بتغلطى او غلطتى للاسف ناس كتير بتغلط بس ناس اكتر بتكابر ومش بتعرف بالخطا وبتستمر فيه
بصى
انا اعرف ناس كتير اوى اوى اوى
ليهم نفس مشكلتهم
الاختلاف بس
فى السيناريو والاخراج
بصى حقولك حاجه
اولا انا مصدقك انك كنتى بريئة
ونتى صغيرة
ود
ة شئ اكيد والا كنتى فضلتى مستمرة فى الغلط
من غير متعرفى انك بتغلطى
لان قلبك اسود فمبيحسش انه بيغلط
لكن بما انكم حاسة بالغلط وحاسة انك بتتعاقبى يبقى لسه
قلبك فيه مكنظق بيضه
وكل الى عايزه منك
انك تبتدئى تغسليه كويس
عشان الوساخة والسواد اى فيه يروحوا
ويرجع قلبك نضيف
وزى الفل زى الاول ويعرف يشتغل تانى
ويعرف يحب نفسه ويحب الناس
بصى باين من كلامك
ان اهلك معلموكيش يعنى ايه الحياة
وازاى توجهيها
وازاى تقدرى تقومى بعد متقعى
ودة شئ طبعى فى الزمن دة
بصى لو عايزة تحلى مشكلتك دى
يبقى مافيش غير حل واحد بس
انك ترجعى من طريق الشيطان الى رميتى نفسك بنفسك فيه
وتمشى من طريق النور
الى التوهان فيه مش موجود
طبعا الرجوع من الطريق الى انتى فيه مش سهل
لازم تعملى شوية حاجات الاول عشان يبقى عندك القوة والمقدرة انك تقدرى ترجعى
لانك حتمشى عكس التيار
اولا وزى مقولتلك لازم تغسلى قلبك
بانك تتوبى
طب وحتوبى ازاى
ونتى بتقولى انك بقيتى مبتحبيش تسمعى قرأن
طبعا انتى بتحبى تسمعيه بس لما بتسمعيه بتبقى عايزة حد يكتمه
دة دليل ان الشيطان بقى ليه مكان فى حياتك
وانك من كتر مسمعتى كلامه وعملتى الى هو عايزه
بقى من الصعب عليكى انك تتحررى منه
لانك بكدة دخلتى سجنه
وبقى من المستحيل انك تخرجى من طريقه
بصى لو عايزة بجد بجد ترجعى وتعيشى انسانة من تانى
يبقى مافيش غير انك تحبسى نفسك فى اوضة لوحدك انتى والشيطان
وتقوليله بالفم المليان انك مش حتكونى عبدة ليه تانى
تعرفى تقولى كدة من قلبك
من جوه جوه قلبك
تعرفى تقوليها بصوت عالى
يطرشه وميخلهوش يعرف يتكلم بعديها
لو عرفتى تعمليها
يبقى كدة اول خطوة انتهت
ونتى برضه فى نفس الاوضه
عايزك تقعدى متعمليش حاجه خالص
غير انك تقعدى مرتاحه
ومتفكريش فى اى حاجه
طبعا الافكار الزبالة حتبدء تزعجك لانك متعودة عليكى
وتأنيب الضمير حيبدء يشتغل
بس فكك منهم وحاولى تركزى فى اى حاجه
تتوهك
ومتخلكيش تفكرى
وشغلى قرأن وشغليه بصوت عالى
وعلقى على المعوذتين والاخلاص
وتأملى فيهم
وفكرى فى السورة
طبعا الشيطان لسه معاكى ممشاش
وانتى حتلاحظى كدة
اول متشغلى القران لان طبعا بيزعجه
لانك ازاى تشغلى قران وانىت بقيتى عبدة ليه
بصى انتى تسيبك منه ومهما حسيتى بانك مخنوقه
ولو حسيتى انك حتموتى اوعى تقفلى او تكتمى الصوت
خليه شغال
ونص ساعه وقومى اتوضى ودخلى الاوضه من غير متكلمى حد
وهاتى المصلية وقعدى
متصليش
لسه شوية
قعدى وحطى المصحف قدامك
وبصليه
متمسكهوش
حطيه بص قدامك
وتكلمى معها ةقوليله اى حاجه تيجى فى بالك
اى حاجه اى حاجه
بصى المصحف هو السلاح الى ربنا بعتهولنا عشان نستخدمه فى حربنا مع الشيطان
عشان كدة تلاحظى انك من بداية الطريق
وانتى بتتشدى بعيد
عن اى حاجه فى اسم ربنا او اى حاجه فيها كلامه
بعد متفتحى قلبك وتخرجى كل الى فيه
قومى اتوضى تانى
عشان تنزلى الذنوب
وارجعى صلى ركعتين
لله
وحاولى على قد متقدرى انك تطولى فى الصلاة
ولو مش حافظة سورة كبيةر
امسكى المصحف فى ايدك
مش حرام ومش عيب
امسكى المنصحف واقرى فيه
ولو تقدرى تقرى سورة البقرة
يبقى خير وبركة
المهم انك تطولى على اد متقدرى
طبعا حتتخنقى وحتملى وحتحسى بانك مش قدرة تتنفسى
كل دة كويس
لان دة دليلى ان الشيطان هو الى بيتخنق وبيموت
مش انتى
لو كملتى الخطة دى كمان
يبقى انتى كدة غسلتى قلبك
وقلبك رجع ابيض من اول جديد
وعليكى انتى بيقى انك تمليه من الاول تانى
وهنا القرار رجع لايدك تانى
حترجعيه اسود تانى وترجعى عبدة للشيطان
ولا حتحفظى على بياضه وتحاولى تزوديه بياض
لو عايزة بجد تحافظى عليه
يبقى لازم تحوطيه بسور عالى جدا انتى متقدريش تعديه
خدى الجملة دى وحفظيها كويس وخبيها فى قلبك
الله راقبى... الله ناظرى .. اله مطلع على
خليكى ديما فاكرة ان ربنا شايفك
فى كل وقت وفى كل زمان وفى كل مكان
عايزك تقولى للشيطان
مش انتا الى حتخلينى ازعلى ربنا منى
ربنا خلقنى لسبب ولازم احققه
ربنا خلقنى فى طريق صعب وضلمة
بس لازم اكمله
لانى بحبه ولانى مقدرش على غضبه
فلازم اكلمه
ومش انتا ياعبد ياخسيس الى حتخلينى ابعد عن ربنا ومش حتدخل معاك جهنم
حتعيش هناك لوحدك ولو معاك حدج يبقى مش انا
انا انسانة افضل منك واحسن منك وارقى منك
لو عملتى بنصحتى
يبقى كدة انتى عديتى نص الطريق للعودة
متستعجلش الطريق طويل اوى
بس انتى اعملى كدة والباقى حيبقى سهل
فى الاخر عايز اقولك حاجه صغيرة
ان الانسان بطبيعتهمبيحبش التغير
بيحب يتعود على حاجه ويفضل عليها
وصعب ان الانسان الى ذاق طعم الذنوب المزيف
صعب انه يستطعم طعم الايمان الحقيقى
غير لما يفتح قلبه ويشيل السواد من جواه
وربنا يهديكى وينورك طريقك
ويبعتلك
الانسان الى يدلك على النور
ويعرف يخرجك من سجن الشيطان
بس نصيحة لو لاقتيه متسبهوش
لانك لو سبتيه
يبقى دة نهاية الطريق
واسئلى مجرب ومتسئليش طبيب
الرائعون كالأحجار الكريمه لا نصنعهم ولكن نبحث عنهم لنهنئهم بالعام الجديد ... كل عام وأنتم بخير
عام مضى وعام يأتي ويارب السنه دي تكون أحسن من الي قبليها ونشوف نفسنا و بلادنا أحسن .... بدري بدري كده قبل الزحمه
ارجعى لربنا وكلنا بنخطأ بس لازم تحطى فى بالك حاجه واحده ان ربنا بيغفر يعنى متقوليش انه مش هيقبل منى لا ده غلط بجد ربنا غفور رحيم وكلنا بنغلك انا الاخ اللى بيقول الاسلام او الاديان خدعه فيروح يتلهى بقى على عينه سورى فى الكلام لانه جاهل وجبان لان لو هو عنده شجاعه يقول هو مين كان قال استغفر الله العظيم على امثال الناس دى
اهم حاجه التوبة والاتاجاه الي الطريق المستقيم وخلاص اللي حصل حصل بقي
تحياتي
سيدتى انت انسان والانسان خطاء وانت تعرفين خطأك ولو انك ظننتى انك الوحيده فى هذا الكون التى اخطأت فغير صحيح وتذكرى ان غيرك قام بمصائب لا تخطر على بال البشر انك يا سيدتى اقرب للملاك مكسور جناحه وهيشفى ان شاء الله ومعذرة للاخ الملحد للاديان يا ريت ترجع لربنا وتبعد عن خلق الله
سيبكوا بقى من الاخت الى تعبانة دى وخلينا فى الشاب الى اسمة
Anonymous said
اقول لسيادتك . انا تستحق بكل جدارة ان تكون من حطب جهنم . مبروك عليك يا برينس
Post a Comment